32-bit vs 64-bit Computer/Phone

                          32-bit tih leh 64-bit tih hi kan lo hre fo tawh țhin ang a. An inang lo tih te, 64-bit a chak zawk tih te pawhin kan lo hre hrang nual tawh ang. Amaherawhchu, heng a hnuaia mite hi hrechiang lo kan la awm thei tlat.

- Engti ang chiahin nge an danglam?
- Eng hi nge danglamna thlentu ber?
- Engti ang chiahin nge an inthlauh?
- I computer hman lai mekah khan eng hi nge a țhatpui zawk ang?


                       Tunah erawh chuan, kan hrethiam vek tawh ang. Tuna kan topic-ah hi chuan, processor chungchang kan sawi a ni tih kan hre țheuh dawn nia. A hmasain hengho hi hrethiam phawt teh ang :-

A tlangpui:

                         32-bit leh 64-bit kan tih hian CPU (computer processor) kan sawina a ni. Tun hma kha chuan, 64-bit CPU hi a la awm ngai lo va, AMD chuan 22 April, 2003 khan 64-bit CPU an rawn siamchhuak ta a, a hmasa ber niin a hming chu  'AMD Opteron' tih a ni. 64-bit CPU hi Intel 64 (x64) leh AMD64 tiin an then hrang thin a. Tunlaiah erawh chuan, CPU-te hi 32 leh 64 bit an support kawp vek tawh a (x86_64); Operating system kan install-ah hian a innghat tawh. Smartphone-ah ve thung chuan Apple hovin 20 September, 2013 khan iPhone 5s an release a; smartphone bikah 64-bit CPU an rawn siamchhuak hmasa ber ve thung a ni.

Binary number: Number pahnih: 1 emaw, 0 emaw tihna a ni. (0 or 1)

Bit: Binary number sawina tho a ni a, CPU architecture bikah chuan memory address a binary number (length) awm thei zat sawina atan hman a ni.

Entir nan: 8-bit kan tih chuan, Binary number (1 or 0) hi digit riat a support tihna a ni a; 01010101 hi 8-bit binary number a ni tihna a ni. Tuna kan topic-ah hi chuan 8-bit memory address tihna a ni ve thung.

Memory address: Memory kan sawi hian tun țumah hi chuan, RAM kan sawi tihna a ni. RAM chhunga thil awm reng reng hian memory address an nei țheuh va; RAM chhunga khawilai tak ah nge a awm tih a hriat theih dawn tihna a ni. Memory Address value hi a 'bit' a san chuan value a load sang thei tihna a ni a; RAM-ah hian vawi khatah application lian zawk a load theih dawn tihna a ni.




AN DANGLAMNA (DIFFERENCE):

1.  64-bit CPU kan tih hian processor chhunga components hrang hrang awm ho -- Memory address, Registers, Address bus, Data bus, integer size, data path widths leh a dangte hian, 64-bit virtual memory address (Eight-Octet) (2⁶⁴) an hmang tihna a ni. 32-bit CPU-ah ve thung chuan he'ng ka thil sawiho hian 32-bit virtual memory address (2³²) an hmang tihna a ni ve leh mai.
2. Memory address atan 64-bit kan hman si chuan, Data value sang tak a la thei tihna a ni a; vawi khatah application lian tak a load thei tihna a nih chu! 32-bit memory address a nih ve leh thung chuan, 64-bit-in data value a load theih chanve vel a load thei tihna a ni a; vawi khata application a load theih zat kha 64-bit ai chuan a hniam fe zawk tihna a ni.
3. Windows OS bikah chuan, 32-bit kan hmanin, Windows hian RAM hi 4 GB (3.48 GB actual) thleng chauh a hmu thei a ni. A chhan chu, RAM chhunga address a neih theih zat chu 4 GB tihna a ni a. A chawhchhuah dan chu:
   2³² bytes = 4,294,967,296 bytes = 4,194,304 Kb = 4096 Mb = 4GB 
   
   64-bit ah ve thung chuan RAM hi 16.8 million TB vel a thleng a hmang thei ve leh thung. A chawhchhuah dan chu:
   2⁶⁴ bytes=18,446,744,073,709,551,616 bytes = 18,014,398,509,481,984 kb = 17,592,186,044,416 Mb = 17,179,869,184 GB = 16.8 million TB approximate.
4. Point no.3 hi han en leh lawk i la, hetah tak hian Windows OS siamtu lam Microsoft ho hian thluak an rawn hmang ve leh zeuh thung a. A hnuaia ka tarlan ang hian Windows Edition tinte hi 64-bit ni mah se, RAM support theih chin an nei ve leh vek thung a ni. Windows 7 bikah sawi ta i la.
   
   Windows Starter -                 8 GB
   Windows Home Basic -        8 GB
   Windows Home Premium - 16 GB
   Windows Professional -    192 GB
   Windows Enterprise -        192 GB
   Windows Ultimate -           192 GB
   
   *Linux leh Apple Mac OS X bikah chuan limit a awm ve lo.
5. Kan hriat reng tur chu, 64-bit Operating system-ah chuan 32-bit application a run theih vek a (Memory address-ah a len vek avangin), 64-bit application erawh hi chu 32-bit Operating system-ah a run theih loh ve thung (32-bit memory address ah 64-bit application hi load turin memory address-ah a leng tawh lo a ni.)
6. Windows OS 32-bit hian virtual memory bik atan 4 GB thleng a support a, 64-bit erawh chuan 16 TB thleng a support ve thung.
   Paging file bikah 32-bit hian 16 GB thleng a support a, 64-bit erawh chuan 256 TB thleng a support ve thung. System cache memory bikah 32-bit-in 1 GB thleng a nei thei a, 64-bit erawh chuan 1 TB thleng a nei thei ve leh thung.

I computer hmanlaiah khan 64-bit OS hi load chi a ni em?

- A tawi zawngin sawi ta mai i la, keima mimal ngaihdana 64-bit OS load nana pawi lo chin chu khu'ng a hnuaia point khu i neih kim theih chuan a ni:-

• I computer-ah khan 64-bit CPU (processor) i neih chuan.
• RAM 4 GB tal (I processor a chak tha a, i clock speed a sang tha a nih chuan).
• RAM 6 GB chin chunglam i hman chuan.

A chunga mite khi i khawlin a phak vek loh chuan, 32-bit OS hmang zawk la, i tan a tha zawk ang.

He post hi i hlawkpui a, i hrethiam a nih chuan midang hnenah share hreh lo la, hei aia tha zawka tih dan hria kan awm chuan khawngaihin comment lamah kan sawi dawn a nia.

Ka lawm e.

 

Hyperthreading technology

Tunlaiah 'Hyperthreading technology' a lar a, a awmze hre lo pawh kan la tamin a rinawm. Mahse, he post chhiartu hi chuan kan hrethiam vek tawh ang.

Hyperthreading kan tih chuan hriatthiam phawt tur thil pahnih a awm a. Chungte chu :-

1. CPU Core (Physical): Processor kut leh ke ber a ni a, CPU-in a hnathawh tur ber (process) lo sawngbawl a, hna lo thawksaktu tihna a ni. CPU-ah hian a bet a, amah hi 'physical core' tih a nih avangin hardware a ni bawk tihna a ni.
   
   
2. Thread (Logical): Tuna kan sawilai hi hardware thread a ni a, hardware thread kan tih hian hardware tak tak a ni tihna a ni chuang lo va, Thread chu CPU Core kut leh ke ber a ni a, Core hian a hnathawhna ber atana a hman chu thread hi a ni. CPU-in process a run dawn chuan thread a hmang thin. Logical core tih te pawhin an sawi thin tho va; CPU core hian thread an nei theuh thei tihna a ni. Thread leh Core hi ngaihpawlh awl deuh mai a ni.
   
   (Software thread a awm leh a, hardware thread lo zawk a ni a, an danglamna chu software thread chu process peng khat a ni ve leh thung a, process in thread pakhat aia tam an nei thei bawk. Process nen inanna lai an nei ve leh a: Thread chu a zan em avangin light weight processes tih te pawhin an sawi thin tho a ni.)

Aw le, tunah chuan Core (physical) leh Tread (logical) danglamna kan hre tawh bawk a, khiti ang thil thui chhiar reng chu a ninawm tawh ang. Hyperthreading awmzia luhchilh tawh ang aw.

Hyperthreading: 

                       Hyperthreading chu feature pakhat a ni. Tunlaia processor chhuak thar Intel leh AMD ten an siam tam tak hian hyperthreading technology an support nual tawh a ni. A thil tum ber chu, Processor-in chak leh rintlak zawka hna a thawh theih na'n a ni. Hyperthreading support processor-ah chuan CPU core tinte hian anmahniin hardware thread (logical) pahnih theuh an nei hrang vek a, thread a lo tam na na na chuan process pawh hnehsawh takin a la zel ang a; CPU chu a lo chak phah ta em em a ni. Hyperthreading support lo, CPU core neih zat inang chiah processor ai chuan a let deuhthawin a chak zawk tihna a nih chu. A nih chuan Hyperthreading-ah chuan core tinte hian process pakhat aia tam an la thei tihna a ni a; core tinte hian thread pahnih zel an neih dawn avangin. Thread chu process run-tu ber a ni si a; Processor Hyperthreading support lovah erawh chuan core tinte hian process pakhat zel an la ang; core tinte hian thread pakhat theuh an neih vang a ni.

Entir na'n: Kan Processor (Hyperthreading support) hian Core pahnih (Dual core) lo nei ta se, chung core-te chuan kut (hand/thread) an nei theuh angah lo ngaihruat leh ta i la. Hyperthreading a support si chuan core pahnihte khan a hranin thread an lo neih belh ve ve ang a; kut pakhat an neih belh ve ve dawn tihna a nih chu (A chhan i hriatchian loh chuan Hardware thread khi lo chhiar nawn leh mai rawh). A nih chuan kan processor core-te chuan kut pali an nei tawh ang a, kut pahnihin hna an thawh theih ang deuhthaw kha kut pahnih dang lo awm belhte chuan hna an lo thawk thei ve leh ang. Processor chak tha tak kan neih phah dawn tihna a nih chu.

Hriat tur atana pawimawh em em erawh chu, hyperthreading hian Thread (logical) a neih belh avang hian physical core ngah zawk CPU-te hi a tluk pha tihna a ni kher lo. Entir na'n: Dual Core Hyperthreading support chuan thread pali (Physical core 2 in Logical core 4 aka hardware thread an nei) a nei a, Quad Core Hyperthreading support ve lo hian core pali (Physical 4) tho a nei ve leh bawk. Core tinte chuan thread (logical) pakhat theuh an nei a, hyperthreading a support loh vangin logical thread an neih belh tawh lo. Nimahsela, Core tinte hian thread pakhat theuh an nei ve tho va, chuvang chuan, core pahnih nei a, thread pali nei ai chuan, core pali nei mahni theuhva thread pakhat nei hrang CPU hi a chak zawk a ni.
 CPU clock speed inang reng siah chuan Quad core hyperthreading support lo hi a la chak zawk tho tihna a nih chu. Chuti ang zelin, dual core ro rovah pawh hyperthreading support chu a chak zawk tihna a ni.

He post hi i hlawkpui a nih chuan i thiante hnenah share hreh lo la. Zawhna i neih a, hei aia tha suggest duh i nei a nih chuan comment lamah i rawn tuihnih mai dawn nia.

Ka lawm e.

CACHE MEMORY

Cache Memory

'Cache memory' tih hi i phone-ah leh computer-ah te i lo hmu fo tawh ngai em?

Computer lam subject la phei chuan Operating System kan zir chuan, Cache memory hi kan hmelhriat furin ka ring. Amaherawhchu, a awmzia leh a țangkaina hre lo kan tam ve leh thei tlat.

Eng nge Cache memory?

• Cache memory chu memory chi khat, size te tak te tihna a ni.
• Cache memory chu RAM leh CPU (Processor) inkara awm a ni a; tunlaiah chuan Hard disk leh Graphic card lam pawhin an nei fur tawh.
• CPU-in chak leh rang zual zawka hna a thawh theih na’n leh rang zawka a hnathawh turho RAM atanga a lak theih na’n a an siam a ni.
• Cache memory hi memory chi khat, speed sang tak a ni.
• Cache memory-ah hian file leh data a in-store ve ngai lo va, link emaw, reference emaw hi a list in a awm țhin.
• Cache memory hi user tan hmuh theihin a awm ngai lo.
• Heng list ațang te hian CPU chuan a hnathawh tur list-te chu awlsam takin cache memory atangin reference chu a la țhin a. CPU-in RAM chhunga a hnathawh tur chu zawn buai ngai tawh lo vin, a bul lawka cache memory atangin rang takin a la zung zung thei tawh a ni. (Mapping). Entir na’n: In sakna-ah Mistiri-in a bungrua leh a hmanrua leh a mamawh thil dangte chu bungraw dahkhawmna hmuna va zawn buai zel ngai tawh lo vin, a helper in a lo pe zung zung thin. A hna pawh a awlsam phah a, a rang zawk bawk a ni. Helper hi Mistiri hian a tih tur list a lo pe zel a, list-te chu helper-in a lo kawl reng a, Mistiri chuan a helper kut atang chuan a mamawh chu awlsam takin a la thei ta a ni. Mistiri hi CPU a ni a; Helper hi Cache a ni ve leh a; bungraw dahkhawmna hmun hi RAM a ni tihna a nih chu.

      

Cache memory chi hrang hrangte:-

1. Level 1 (L1) cache: Processor hnaih ber a ni a, processor chip-ah an bel tel țhin. A chak em em a; a te em em thung.
2. Level 2 (L2) cache: L1 cache aiin a capacity a lian hret a, Processor chip bul hnaiah tho an dah țhin. CPU nen hian High-speed alternative system bus hmangin an inthlunzawm țhin a; a chak em em bawk.
3. Level 3 (L3) cache: L1 leh L2 cache performance hmasawnna tura special taka duan a ni a. A memory tak hi chu, L1 leh L2 cache aiin a chak lo hret a, mahse, RAM speed a tihsan phah ve leh thung a ni. CPU core pakhat aia tam nei hovah chuan, core tinte hian anmahni țheuhvin L1 emaw, L2 cache emaw hi an chang țhin a; L3 cache erawh chu core tinte hian an ințawm țhin a ni.

He post hi i tangkaipui a nih chuan, i thiante hnenah i lo hrilhdarh ve dawn nia. "Hei aia tha zawkin a sawi theih e" ti in awm a nih pawhin comment lamah min lo hrilh dawn nia.

I hun hlu tak senga i lo chhiar avangin ka lawm e

Device Driver Search

I computer-ah khan device driver a lo kim lo va, device manager-ah lah i device chu 'Unknown Device' tihin a lo awm si a. I device hming leh a model/series i hriat si loh kha a driver install i duh bawk si a. A buaithlak duh awm? Engtin nge i tih tak ang le??

Lo lungphang suh,
DTT in a rawn pui leh dawn che. 😊

Tan nghal mai i la tiraw??

STEPS:

1. Windows key + R hmet la

2. devmgmt.msc tih chhu la, 'Ok button' hmet leh rawh. Device manager a lo lang ang.

3. I device model i hriatchian si loh, driver la install loh kha (Exclamation mark, a engin rawngin a in-mark ang) Right click la, Properties-ah khan lut rawh le

4. Properties-a i luh hnuah khan, 'Details' tap (a chung tlar)-ah khan lut rawh.

5. 'Property' tihah khan 'Hardware Ids' select rawh. (Hardware Ids a awm loh chuan Device Ids select tur)

6. A hnuaia picture ang khuan 'Hardware Ids' i select a, tlar hmasa bera lo lang kha right click la, Copy rawh le.

7. Browser (Chrome, Firefox leh adt.) hawng la, https://drp.su/en/catalog ah hian lut rawh.

8. Search bar-ah khan paste (Ctrl+V hmet) rawh le.

9. Enter key la hmet mai lo la, i thil paste-ah khan thlak danglam ngai a la awm tlat:
'&pid' tih telin a hnung lam zawng kha delete rawh le.
Entir nan: Ka driver search tur Hardware Ids hi usb\vid_1782&pid_5d02&mi_01 tih a lo ni a, kei chuan usb\vid_1782 tih zawng hi ka dah anga. &pid_5d02&mi_01 tih chin hi ka delete dawn tihna a nih chu (a hnuaia mi ang hian:)



10. Enter key hmet tawh rawh le...

11. I driver hming leh a model chu a lo awm tawh ang a, Windows hman lai kha select turin a rawn tih che chuan i select mai ang a, i download duh i thlang tawh mai dawn nia.

He post hi a tangkaia i hriat chuan i thiante hnenah share ve la. Zawh duh i nei emaw, heti ang lo deuh, a aia awlsam leh tih dan tha zawk i hria emaw a nih chuan comment lamah min lo suggest mai dawn nia.

Ka lawm e.

XAVIER! MALWARE

Xavier trojan chungchanga hriat tur pawimawhte:-

-Xavier hi application thara bet a ni.

-Trend Micro hovin malware 800 vel playstore-ah a awm tih an hmuchhuak tih an sawi.

-A detect thei tur apps an la siamchhuak lo.

-"Playstore ațanga engmah download loh tur" tih hi a dik ber lo va, thlalak leh video edit-na apps chhuak thar leh hriat ngai lem lohte -- theme chhuak, wallpaper set danglamna apps leh ringtone thlakna apps chhuak tharte-ah a awm nual a, chuvangin download hrih loh tur a ni e.

-Chiai chiam loh tur... Play store neitu Google lamin official news an rawn chhuah hunah engkim a chiang ang.

- Xavier hma hian malware chikhat 'JUDY' tih a awm tawh a, Xavier in a khawih pawi theih chu -- Thlalak leh file pawimawh a ru thei a, a ti leak thei bawk. Hei bakah hian phone-a apps, amaha in download vak vakte pawh a thlen thei. MTK (MediaTeK) phone tan a hlauhawn zual leh ang. (Xolo, Micromax, Vivo, Karbonn, Lava, Intex leh adt.)

AUDIO CD RIPPPING

Eng nge Audio CD Ripping?
- 'Audio CD Ripping' kan tih chuan, Audio CD chhunga hla (track) awmho, MP3/WAV file format-te lachhuah tihna a ni.

Tangkaina?
- Audio CD/DVD bik hi computer-a CD/DVD ROM-a kan thun luh hian, CD/DVD chhungah han tilut i la, file hmuh tur leh lakchhuah tur engmah a awm ngai lo va, CD/DVD chhunga hla hi lakchhuah kan duh bawk si a nih chuan kan tih theih chu 'Ripping' a ni.

Mamawh:
- Easy Audio Copy (EAC)

- I neih loh chuan heta tang hian i download mai dawn a nia.

>>>Download<<<

EAC hmang hian CD chhunga audio file chu kan la chhuak ang. (WAV file format in kan la chhuak dawn tihna a ni)

STEPS:

1. EAC chu install la, i install zawhah amah ah khan lut rawh le.

2. Audio CD chu i CD/DVD ROM ah thun rawh le.

3. EAC-ah khan a chung veilamah khan i CD/DVD drive chu select la, WAV tih a vei lamah khan select leh rawh le... (WAV a rip hian quality a hlauh tlem a, duh chuan MP3 ah a convert ve leh theih a ni) A hnuaia picture ang hian.

4. EAC chuan i audio file kha khawi directory-ah nge i rip chhuah dawn tihin zawhna a rawn awm a nih chuan i duhna folder kha i select mai dawn nia.

5. I select zawh hnuah 'Save' button kha click tawh rawh le. A in-rip lai progress a lo lang ang.

A chunga picture a lo lan hnuah hian a zo vang a, i audio CD/DVD chhunga i hmuh theih si loh hla awmho chu i hmuh leh khawih kual theihin EAC hmang hian awlsam takin i rip chhuak ta...

ENJOY

He post hi a tangkaia i hria a nih chuan i thiante hnenah i lo share ve thin dawn nia.

Ka lawm e.

SLI vs CROSSFIRE

I computer-ah Graphic card pakhat aia tam i hmang duh ta a. Engtin nge i tih tak ang?
Graphic card pakhat aia tam i hman duh chuan thil pahnih i hriat a ngai. Chu chu, SLI (NVIDIA) leh Crossfire (AMD)-te hi an ni. SLI leh Crossfire la hrethiam fumfe lo kan awm nual a, Mizo tawng ngeiin kan hrilhfiah ang che u.

Graphic card (GPU)-ah chuan NVIDIA leh AMD-te hi khawvel a lar ber pahnih an ni a, an in el nasa em em a, an thil siamchhuah pawh a tha thei khawp mai. Game ngaina tan phei chuan he post hi chhiar ngei a tha a; hriat loh a zahthlak dawn tlat. Graphic card pahnih kan hman theih phawt chuan kan graphic card-in a hnathawh theih ai khan a let thawkin a thawk chak zawk dawn tihna a nih chu.

SLI: SLI lampum chu Scalable Link Interface tih a ni. SLI technology hi NVIDIA company in an siamchhuah a ni a, SLI kan tih chuan NVIDIA graphic card bik pakhat aia tam hman theihna tihna a ni mai. Tunlaia graphic card pakhat aia tam kan hman dan tlanglawn ber chu graphic card pahnih hman kawp hi a ni.

Aw le, NVIDIA graphic card pahnih (dual) kan hman duh chuan hengte hi kan neih a ngai:-

1. NVIDIA SLI certified motherboard
2. NVIDIA Graphic card GPU series inang chiah chiah
3. Graphic card RAM zat inzat chiah chiah
4. SLI bridge (Graphic card pahnih zawmtu)

Kan hriat reng tur erawh chu, Graphic card GPU series inang chiah chiah pawh hi a siamtu Company a inang lo ve leh thei a, a company siamtu hi hrang mah se, GPU series leh Graphic memory (RAM) inang chiah chiah kan neih chuan a SLI theih a ni. Entir na'n: ASUS GTX 780, 3 GB RAM leh MSI GTX 780, 3 GB RAM i lo nei ta a, ASUS leh MSI company in an siam ni mah se, an GPU Series (GTX 780) leh an memory size (3 GB RAM)-te an inan avangin heng graphic card pahnihte hi kan SLI thei tihna a nih chu.

CROSSFIRE: Crossfire ve thung hi chu AMD-hovin graphic card an siamho hman kawpna a ni ve leh thung. Crossfire erawh hi chuan, SLI ang lo takin GPU Series leh Memory in ang lovah pawh Crossfire a tih theih vek thung. Crossfire-in a mamawh zawng chu GPU architecture inang a ni. Graphic card-te chu AMD siam ve ve an nih a ngai tihna a nih chu.

Crossfire hi a buaithlak loh zawk a, sum sen zat tur pawh SLI ai chuan a tlem zawk. Amaherawhchu, NVIDIA graphic card reng reng hi tlawm zawk mah se, heat (sa) a pekchhuah hi AMD aiin a tlem zawk zel a, a graphic card hrim hrim pawh hi a tlo zawk a, a rintlak avangin a fuh zawk zel ti i la kan sawi sual tam awm lo ve.

Le, tunah chuan SLI leh Crossfire awmzia kan hrethiam tawh bawk a, kan thiante, la hre lote hnenah hrilh darh zel i la, i share duh chuan social media lamah he post hi i share thei ang. 

I hun senga i lo chhiar avangin ka lawm e. :)

ExtraTorrent Proxy Server list

Torrent Site ah pawh hian hman thiam bik hi kan lo nei theuh a ni awm e. Pakhatin KickAss a tih tlat laiin pakhatin ExtraTorrent a ti tlat ve thei thung. Chuvangin, ExtraTorrent site ngainatute kha original site an block thin avang khan lo beidawng mai lo u la. ExtraTorrent Proxy server list awmna site ka rawn chhawp chhuah sak dawn che u a ni. 



A hnuaiah hian click la, ExtraTorrent Proxy server list awmna site ah i lut dawn nia.
Tichuan, Proxy 1, Proxy 2 ... a lo awm ang a, i duhna berah i lut tawh mai dawn nia.

ExtraTorrent Proxy Server list link chu ---> HETAH

ENJOY

Microsoft .NET Framework all version download links

Microsoft .NET Framework offline installer version zawng zawng download link kan lo chhawp chhuah sak ang che.

Enge .NET Framework?
 
>  .NET Framework chu Microsoft Windows tana software framework emaw, software development platform emaw tihna a ni. A nihna takah chuan programming language chi hran hran hi Windows operating system-in a hriat thiam theihna tur atana duan a ni. .NET framework hi Microsoft Windows hmangte tan hian a pawimawh em em a, entir nan: Games, software, appications, etc. te hi, an siamna language a inang vek lo va, heng language chi hran hrante hi, Windows-a kan hman theih nan kan computer chuan a lo hriatthiam ve a ngai bawk si a, chumi hrethiam thei tur chuan .NET Framework hi a ngai thin a ni. Tunlai games phei chu an siam dan a changkang em em tawh si a, chuvang chuan, khel thei turin, .NET Framework hi kan mamawh thin a ni.

*** .NET Framework Version hrang hrang hi download a ngaih thin nachhan chu a version thar hian version hlui hi a kentel vek loh vang a ni (Not Backward Compatible) ***

 
Download Links:

1. Microsoft .NET Framework 1.0:
      Hetah hian --> Download (19.7 MB)

2. Microsoft .NET Framework 1.1:
      Hetah hian --> Download (23.1 MB)

3. Microsoft .NET Framework 1.1 Service Pack-1:
      Hetah hian --> Download (10.2 MB)

4. Microsoft .NET Framework 2.0 32-bit:
      Hetah hian --> Download (22.4 MB)

5. Microsoft .NET Framework 2.0 64-bit:
      Hetah hian --> Download (45.2 MB)

6. Microsoft .NET Framework 2.0 32-bit Service Pack-2:
      Hetah hian --> Download (23.8 MB)

7. Microsoft .NET Framework 2.0 64-bit Service Pack-2:
      Hetah hian --> Download (46.3 MB)

8. Microsoft .NET Framework 3.0 32-bit:
      Hetah hian --> Download (50.3 MB)

9. Microsoft .NET Framework 3.0 64-bit:
      Hetah hian --> Download (90.1 MB)

10. Microsoft .NET Framework 3.0 Service Pack-1:
      Hetah hian --> Download (25 MB)

11. Microsoft .NET Framework 3.5:
      Hetah hian --> Download (197 MB)

12. Microsoft .NET Framework 3.5 Service Pack-1:
      Hetah hian --> Download (231 MB)

13. Microsoft .NET Framework 4.0:
      Hetah hian --> Download (48.1 MB)

14. Microsoft .NET Framework 4.5:
      Hetah hian --> Download (48 MB)

15. Microsoft .NET Framework 4.5.1:
      Hetah hian --> Download (66.8 MB)

16. Microsoft .NET Framework 4.5.2:
      Hetah hian --> Download (66.8 MB)

17. Microsoft .NET Framework 4.6:
      Hetah hian --> Download (62.4 MB)

18. Microsoft .NET Framework 4.6.1:
      Hetah hian --> Download (64.5 MB)

ENJOY IT

AMD Radeon Driver download tutorial

He post hi, AMD Radeon Graphic card official site atanga driver download dan, la hre lo tana siam a ni. 

****NVIDIA GEFORCE GRAPHIC CARD HMANG TAN A NI LO A NIA****

A tangkaina?

> Graphic card driver thar ber, official site atanga download ngei hi a ngaihthatthlak bik a ni ti i la, kan sawi sual lo vang. A chhan chu, games,  tunlai ber berte hi graphic card tha pangngai deuh deuh nena khel kan tam tawh si a, Games lah chhuak thar a tam bawk si, a chhuak thar apiang hi stable deuhva kan theih nan graphic driver update (thar) tha tha a mamawh ve thin bawk si a, chuvang chuan, i graphic card tan leh i games khelh a lo improve zawk nan, i graphic card driver chu a thar tha apiang AMD official site atangin download ve tawh rawh le. (ATI Radeon kha a ni thin a; AMD lamin ATI hi an lei tawh a ni.)


Engtin?

1. He link (AMD) ah hian lut phawt mai rawh le ----> HETAH
2. Scroll thla deuh la, a hnuaia thlala a mi ang khuan, i graphic card series dik tak leh i operating system hman tur dik tak kha thlang rawh le. Entir nan: Kei chuan Desktop PC pangngaiah Radeon R5 230 Series Graphic card ka hmanga; Windows 7-64bit a install turin ka download ang. (LAPTOP tan i download duh a nih chuan Desktop Graphics tih aiah khian Notebook Graphics i select mai dawn nia.) 

3. I thlan zawhah 'DISPLAY RESULTS' button khi click la, driver download tur chu 'next page' ah a awm ang. Page i scroll leh ang a, a hnuaia thlalak ang khuan a lo awm ang. Driver thar ber kha i thlang tawh mai dawn nia.

ENJOY IT

 

NVIDIA GeForce Driver download turorial

He post hi, NVIDIA GeForce Graphic card official site atanga driver download dan la hre lote tana siam a ni. 


****AMD RADEON GRAPHIC CARD HMANG TAN A NI LO A NIA****

Tangkaina?

> Graphic card driver thar ber, official site atanga download ngei hi a ngaihthat thlak a ni ti i la, kan tisual lo vang. A chhan chu games tunlai ber berte hi graphic card tha pangngai deuh deuh nena khel kan tam tawh si a. Games lah, chhuak thar a tam bawk si, a chhuak thar apiang hi stable deuhva game kan theih nan graphic driver update (thar) tha tha a mamawh ve thin bawk si a. Chuvang chuan, i graphic card tan leh i games khelh a lo improve zawk nan, i graphic card driver chu a thar tha apiang GeForce official site atangin i download tawh mai dawn a ni.

Engtin?

1. He link (NVIDIA GeForce) ah hian lut phawt mai rawh le ----> HETAH
2. A hnuaia thlalaka mi ang khuan i graphic card series dik tak leh i operating system hman tur dik tak kha thlang rawh le. Entir nan: Kei chuan, Geforce GT 630 Graphic card ka hmang a, Windows 7-64bit a install turin ka download ang.
 

3. A tawp bera 'Recommended/Certified' tih khi select ngei ngei ang che, a chhan chu i driver download tur chu 'WHQL testing' paltlang leh certified ngei a nih a ngai.
4. I thlan zawh hunah chuan, 'START SEARCH' button khi click la, driver download tur chu a hnuaiah a inpe ang (Thlalaka mi ang khian)
5. Driver thar ber chu a chung berah a lo intar lang zel ang. Chutah chuan lut ang che. (WHQL a ni ngei a ni tih chian ang che, thlalaka mi ang khian)
6. I download duhah i luh tawh chuan, 'Agree & Download' tih kha i click ang a a lo in-download tawh mai dawn a ni

ENJOY IT

Retina display (Calculate)

Retina chu Mizo tawng chuan mit note kan tih hi a ni mai a, mahse, technology lam zawnga sawi chuan, sawi danglam hret a ngai.

Eng nge Retina display?
 
> Retina display hi Apple lamin an hmuhchhuah, an kutchhuak a ni a. A awmzia tak chu mobile device emaw, monitor emawin display a pek chhuah chu, resolution leh pixel density sang tak, enna hmun hlat zawng pangngai tak atanga mihring mit lawng pawhin a pixel a awm tih a zu thliarhran theih loh khawp a sang hi Retina display chu a ni.

Apple hotupa leh Co-founder ni bawk, hman kum lawka boral ta -- Steve Jobs-an a sawifiah dan chu, "It turns out there’s a magic number right around 300 pixels per inch, that when you hold something around to 10 to 12 inches away from your eyes, is the limit of the human retina to differentiate the pixels." tiin Retina display chu kan device hi inches 10 atanga 12 a kan ken hian mihring mit hian pixel a thliar hrang thei tawh lo a ti a ni.
 

I device i ken khan, inches engzata hla-a i kenin nge Retina Display a nih hre ve rawh le.

 1) A hmasa berah chuan, i device display resolution leh screen size (inch) i hriat phawt a ngai. (I hriat loh chuan, i device chu google mai rawh)
 2) Link (Is this Retina) ah hian lut rawh le. http://isthisretina.com/
 3) "Horizontal Pixels" leh "Vertical Pixels" ah hian i screen resolution chu i dah dawn nia.
 4) "Diagonal Size (inches)" ah hian i device screen, inches zat kha dah lut ang che. Chumi zawhah chuan, 'CALCULATE' tih button kha i click dawn nia.

"Becomes retina at over" tih hnuaiah khan inches leh centimeter-in i device kha retina a nih theih nan i mit nena a hlat zawng dik tak tur chu a rawn pe chhuak tawh mai dawn a ni.

 ENJOY IT

ThePirateBay Proxy List

Torrent lam atangin kan nasa download ta sa sa; Pirate chur chur mai ang aw. Torrent Site hi an tlanchhe nasa ve sia, ThePirateBay ngei paw'n an server an thlak an thlak ve ta. Umzui ve zel teh ang. A hnuaia link-ah khuan i lut phawt ang a, ThePirateBay Proxy Server ho i hmu ang. I duhna ber atang i lut tawh mai dawn nia. Speed-ah chuan Very Fast ho kan ngaina ber awm e. 

ThePirateBay Proxy List Link: https://thepiratebay-proxylist.org/

ENJOY PIRATING

Mobile Network Tips

Tunlai khawvelah SMARTPHONE tel lo chuan thalai te, naupang te leh puitling te chenin titi a inrual thei tawh tak tak lo. Smartphone chungchang hi eng 'age' group mahin an sawi hmaih ka ring thei lo. Chuvang chuan, a pawimawh a, a tangkai em avangin he post hi ka siam leh ta mai.

• A hmasa berah chuan, mobile data hmang thin tana post a ni a. 
• A dawtah chuan mobile data hmang thin, 3G leh 4G Network mode pawh support, mahse, network mode hi 3G only emaw, 4G only emawa dah theih loh, Prefer 3G emaw, Prefer 4G emaw chuauhva dah theite tan a ni. (Stock Android leh Near Stock android ah hian a tam hle)
• Phone zawng zawngah ka la test vek hman lo. Samsung leh Microsoft Lumia lamah chuan a theih loh tih chu ka chiang tawh e.

Eng nge a awmzia?

> A awmzia chu, Prefer 3G/4G ah hian i dah chuan i phone khan 3G/4G network a hmuh that lai chauhin 3G/4G network hi i hmang thei dawn tihna a ni a, 3G/4G signal a hmuh that loh erawh chuan, 2G ah automatic in a indah zel ang.

3G/4G only ah i dah theih chuan, i phone khan 3G/4G signal pawh hmu tha vak lo mah se, a hmuh chhunah chuan 3G/4G network kha i hmang thei dawn a ni. A hmuh loh chuan, signal a bo thin ang.

HRIAT TUR PAWIMAWH: Hei erawh hriat reng tur: Tuna kan thil inzirtir tur hi 3G/4G only a dah a ni a, Internet speed sang zawka kan khawih theihna tur mai a ni. Voice call tan erawh a tha ber kher lo. Sim card chi hran hran a awm tawh a, tunlaiah 4G sim card te pawh a awm leh tawh. 4G hi LTE band chhunga awm a ni a, 4G only kan dah chuan, kan ISP ten VoLTE (Voice over LTE) an pek chhuah loh chuan call atan a hman ve theih dawn loh tihna a ni.

Process:

1. Phone Dialer hawng rawh le.

2. Phone Dialer-ah khan hei hi type ang che: *#*#4636#*#*

3. A hnuaia thlalak ang khuan, Testing Settings a lo lang ang.

4. Phone information1 (SIM 1) emaw, Phone information2 (SIM 2) emawah khan mobile data i hmanna tur sim card awmna zawkah khan lut rawh le.

5. A hnuaia thlalak ang khuan, 'Set preferred network type:' tih hnuaiah select tur a awm ang.

6. Network mode i hman duh ber kha thlang rawh le... Entir nan: 3G chauh i hman duh chuan WCDMA only kha select rawh (3G signal tho). Chutiang bawkin 4G chauh i hman duh chuan LTE only (4G signal tho) kha i hmang dawn nia.

ENJOY

Best of 2015 by GooglePlay

GooglePlay lam chuan Best of 2015 a siam leh ta reng mai!

2016 kan lo chuangkai leh ta a. Thla 2 na hmang mek mah ila nikum lama ka tih tawh angin 2015 kum chhung zawnga Google lam meuhin an Playstore zinga applications category hrang hrang tha a tih berte a tarchhuak a. Ilo thlir ve ang hmiang. (Better late than never)

• Best Apps: https://play.google.com/store/apps/collection/promotion_3001cd4_apps_bestof2015?hl=en 

• Best Games: https://play.google.com/store/apps/collection/promotion_3001ce8_games_bestof2015?hl=en

• Top Selling Books: https://play.google.com/store/books/collection/promotion_1001c9d_books_bestof2015_topsellers 

•  Top Selling Movies: https://play.google.com/store/movies/collection/promotion_40014aa_bestof2015_movies_topsellers

•  Our Favorite Newsstand: https://play.google.com/store/newsstand/collection/promotion_60004a3_newsstand_bestof2015

2016 Best Linux Distros

Linux OS hmang thinte tan news kalo chhawpchhuah sak ang che u.

Keipawh hi linux hmang reng ka ni e. Windows hi ka khawih khat ta hle mai.

Eng distribution ber nge i hman ve le? Keichu Mint 17.3 Rosa XFCE x64 ka hmang a...

2016 a Linux.com in distros tha ber categories tete a an post hi han chhiar ve hlawm teh le.

https://www.linux.com/news/software/applications/878620-the-best-linux-distros-of-2016

Links fixed

Hun rei tak chhung ka dropbox account ka maintain loh avangin link ka post te hi alo thi nual hman a, software pawh download theih lohin a awm a. Ka blog lo chhiar a min hlutsaktute chungah thupha ka chawi tak meuh e...

Tunah chuan Dropbox account thar nen link thar in post -te ka update tawh e.

Enjoy it!

Android: TubeMate

 Android phone ah website chi hrang hrang i hawng kual a, video duh deuh deuh mahse download ngaihna i hriat si loh pawh i hmu a ni thei. Lungphang mai lo la, i tan Tubemate ka rawn chhawpchhuah sak ang che.

Tubemate hi android tana siam, youtube video downloadna atana siam a ni a. Mahse Tubmate hi mak tak maiin rin aiin alo tha a nih hi. Keipawn ka tangkaipui hle a ni.
  A hnuaia link ka pekah khuan download rawh le!

Version: 2.2.6.646
Size: 5.2 MB
Download Link: https://www.dropbox.com/s/5axa0gk8kikqzmr/TubeMate%202.2.6.646.apk?dl=0
  
Steps:
1. Download zawh hnuah TubeMate chu install rawh le.
2. Hawng la. A hnuai a picture ang hian i video download duh ber kha browse rawh le. ( Video URL pawh paste mai theih e)

3. TubeMate in i video play chu alo detect anga, picture lo langa a chunga fei(arrow) hring lem in kawk thla ah hian i select anga. A hnuah picture pakhat zawk ang hian I duh ber quality select la. Download tih khu i hmet mai dawn nia.

ENJOY DOWNLOADING FREE VIDEOS!!

Kickass Torrents Fans-te tan

Tun hnai hian torrent site tamtak hi an block ngun hle a an site pawh an in sawn ngun hle mai...

Torrent site zinga hman nuam leh Mizo-ten kan hriatlar ber pawl chu kickass torrents a ni. Amaherawhchu, torrent site hi an umzui zel avang hian an URL link hi a inthlak kual ve zel a ni. Proxy link hi a thar a awm zel a, chuvangin Kickass torrent pawh i la hman chhunzawm zel thei e.

proxyof.com ho hian proxy site link an pe chhuak zel a. A hnuai ami ah hian lut la. Kickass proxy list a lo awm anga, i lut dawn nia. 

https://proxyof.com/kickasstorrents-proxy-unblock/

Download torrents, ENJOY

Ka reh. Sorry.

Tunlai chu blog ka update khat deuh a. Ka blog chhiar ve thin tu in awm a nih chuan min hrethiam dawn nia.
Ka buai ve thin lutuk a mahni tawkah hian. Kan hma lawkah final sem exam tur alo awm ve reng bawk nen. Exam zawhah tips tam tak kan la update zel ang chu.
Nih leh phawt.