XOLO Sock Rom(s)

XOLO STOCK ROM DOWNLOAD DUH TAN:

Xolo Mobile hmangte tana thil tangkai kalo share veleh dawn e. 

XOLO STOCK ROM download center ah hian lo lut ve phawt mai la, i phone model i zawng anga. I hmuh chuan 'DOWNLOAD' tihah khan i click mai dawn nia.
XOLO Stock ROMS download center: http://androidxda.com/download-xolo-stock-rom-model
Tichuan i rom downloadna site luhna tur alo awm anga i click leh mai dawn nia. Option hnuai zawk kha click tur tihna a nih chu. Countdown alo awm anga i nghak anga downloadna site ah chuan i lut tawh mai dawn a ni. Mediafire.com an hmang tlangpui.

STOCK ROM?
>>  Stock ROM download tur ka post a, mahse awmzia hre lo tam tak kan la awm ka ring. A tawi zawngin han sawi fiah ta mai ila, android ah hian ROM chu phone chhunga firmware awm, phone operating system ber phone chhunga components hrang hrangte in relbawl dan lo sawngbawltu ber tihna a ni.
Stock ROM kan tih erawh hi chuan phone firmware/ROM/OS kha manufacturer ten a phone a la install that leh theih turin an dah that thin hi a ni a (Phone flash). Chumi an dahthat chu keinin kan lo download thei ta mai a ni.

USES?
>> Stock ROM hi phone flashna atana hman tur a ni a, awmzia takah chuan Stock ROM kan download hi phone a original ROM an install tawh sa a thar hlaka thlakthlengna tur a ni. Phone a firmware awmsa paihbo veka Stock ROM a thlakthleng nan an hmang thin a ni.

Zawhna i zawh duh chuan comment lamah ilo zawt tawh mai dawn nia. A flash dan chu a thui deuh dawn a vangin post tharah kan la in share mai dawn nia.

Advanced Uninstaller PRO

Advanced Uninstaller PRO ka hman bik nachhan!

Engtin nge, eng hmangin nge i computer a i software leh applications duh tawh loh i uninstall ve thin? Windows Control panel atangin i uninstall ve tawp a mai a mi. I software uninstall ho kha a file chuang bang (registry, cache, temporary files) a neih ho kha engtin nge i paih ve thin. Advanced Uninstaller PRO hi i file chuangbang ho thenfai nan chuan lo hmang ve thin ta che, a hmantlak khawp a nia. Keichuan IDM register diklo uninstall nan leh a file chuangbang ho paih fai nan ka hmang hnem ta ber mai.

Download Link: http://download.advanceduninstaller.com/soft/uninstaller/Advanced_Uninstaller11.exe
Size: 17.33 MB

Advanced uninstaller system file chi khat a ni a file lian a ni lem lo a, hman a awlsamin system performance optimize na atan paw'n a hmantlak ve khawp mai. Features tangkai tak tak a ngah. Chung ho chu.

1. Uninstall Programs
2. Startup Manager
3. Services Manager
4. Quick Cleaner
5. Start Menu cleaner
6. Font Manager
7. Control Panel Manager
8. Web tools
9. Duplicate files founder
10. Live file Compression
11. File Shredder
12. Windows Temp files cleaner
13. Registry Cleaner
14. Registry Optimizer
15. Registry Backup and restore
16. Daily Health Check

Features chi hrang hrang khi chu in hriat hnu leh in hman thiam hnu vek a nih ka ring. Uninstall Programs ah hian i lut anga i application uninstall duh kha i right click anga 'Uninstall' tih kha i click ang. Window pakhat alo lang anga khatah khan 'After uninstall, scan the disk and registry for program leftovers' tih kha i tick dawn nia. Tichuan Uninstall tih kha i click anga i file uninstall a kal zawh vek hnuah a chuangbang ho scan turin a rawn ti leh anga i scan tir anga select all i ti zel anga i paih fai vek a ni mai.

Zawh duh neih chuan comment lamah aw :)

Dropbox chungchang

DROPBOX FOR PC

Dropbox hi a free a tute pawhina kan hman theih tura duan a ni a. Dropbox awmzia ber chu kan photos, videos, audio, docs, software, application leh data chi hrang hrang a thlawna in share tawn theihnan duan a ni.
 

Dropbox kan hman hian kan file mi hnena kan share duhte chu dropbox server ah hian kan upload thin a, tichuan chu file kan upload chu download link kan share thei bawk a ni. Download link kan thiante hnenah kan pek ve chuan kan file, dropbox server a awm ta chu an lo download ve thei dawn tihna a ni.
A tangkai khawp mai he thil hi. Hmun hla takah file pawimawh thawn tur nei ta la. Pendrive emaw disc emaw a in thawn a remchang tawh dawn si lo a, dropbox ah i file chu i dah anga, i thawn tur hnenah a download link chu i pe tawh mai dawn a ni.

Name: Dropbox
Size: 44.70 MB
Platform: Windows, MAC OS, Linux, Android, iOS etc.
PC Download links: http://filehippo.com/download_dropbox/download/6e350db85a825e7e83a3e05b37ff7d84/

Kan sawi tawh angin Dropbox hi a free a, file sharing atan hman a ni tlangpui thin. PC tana dropbox chungchang ka hriat ang ang kan share ve ang che.

1. A hmasaberin dropbox hmang tur chuan email account eg. Gmail,yahoo etc. i neih a ngai. Email i neih sa loh chuan siam chawp la i siam zawhah leh nei sa tan https://www.dropbox.com/ ah hian lut la, 'Sign up' ah i lut anga email leh password ngai i barh lut kim anga Plan thlan tur alo awm ang, Free, Pro leh Business... Free hian 2GB thleng file i dah thei a, Pro ah hian 1TB leh Business ah hian i duh duh zah i thlang thei ang. Pro leh Business hi chu lei ngai a nih avangin Free hi a awlsam ber a, free i select dawn nia, 'Continue' kha i click ang. Tikhan account siam chu kan zo e.
2. Account i nei tawh a tunah chuan application kha i run anga, I email leh password i type anga i in Sign in dawn nia. 
3. Tichuan i computer C:\User\Username\Dropbox ah khan dropbox folder a awm anga chu chu i dropbox account nena in link zel tur a ni. I duh chuan i thlak danglam thei ang. I PC a 'notification area' ah khan dropbox chu i hmu anga, vawi khat click zeuh la, tichuan a ding kil chunglamah gear icon kha i click anga 'Preferences' ah i lut anga 'Account' tab ah i lut leh anga Move tih kha i click anga i dropbox folder awmna tur chu i thlang thei tawh mai dawn a ni.
4. Dropbox ah chuan file i upload duh a, i file upload tur chu Right click la, 'Send to' > Dropbox. Tikhan i file chu amahin a in upload ang. A in upload laiin a link a share theih loh a, a in upload lai chuan notification area a dropbox icon ah khan thil pawl a awm anga a zawh tawh chuan a hring ang.
5. Upload a zawh tawh a dropbox icon a hringa a in tick hnu chuan i zu click anga i file alo lang ang. Share Link tih kha i select anga tichuan i file download link chu i duh duh bulah i share tawh mai dawn a ni.

KA LAWM E. DROPBOX CHU ILO TANGKAIPUI VE NGEI DAWN NIA.
Zawhduh i neih chuan comment lamah aw

GHOST

GHOST!!!

Ghost hi a lar tawh khawp mai ah, hria leh hmangthiam tak tak pawh an tam rual rualin enge ghost awmze hrelo pawh a awm theih ve leh tlat. A tangkai ziate, a hman dante hi hre ve zel ang, tunlai ve riau alawm le ti raw u…

 

>> Enge Ghost chu???
Ans: Thlahrang tihna emni!!!??? Ghost tih chu thlahrang(thlarau) a ni teh meuh mai, mahse tuna kan sawi tum hi chu kan memory(eg. Hard disk etc.) a file awm pawimawh deuh deuh hote awlsam tak leh him taka file pakhat(image file) a dah veka hmundanga dahthat theih mai theih tura Symantec ho in a an hralh chhuah GHOST software zawk hi a ni. Murray Haszard an 1995 kum khan alo siam chhuak tawh a tichuan 1998 kum khan Symantec ho in an nei ta a ni. GHOST tih hian awmzia alo nei vek bawk a, General Hardware-Oriented System Transfer tih a ni a, heng ho lamtawi nan hian GHOST an ti ta mai alo ni.He backup software hi company hran daih pawhin an lo siam ve nual tawh bawk a mahse tunlaia kan hman lar ber erawh chu Norton Ghost hi a ni. Chu backup software hmandan tlangpui chu kan zir dawn a ni.

>> Eng dahthat nan nge kan hman vak chuan anga???
Ans: Tunlaia Ghost kan hman chhan lian bera lang chu kan system drive(drive C:) nakin lawk a awlsam taka awlsam taka angai chiah a hman leh theih tura hmun danga file a dahthat hi a ni. System drive kher lo pawh eng drive pawh i dahtha thei alawm, duhleh I hard disk pumpui pawh kha a image i dahtha thei bawk ang.

>> Enge a tangkaina??
Ans: I OS(Wndows) kha load that sek ngai lovin alo chhiat hnuah pawh reilote chhunga a hma a i windows thatlai a mi ang khan a awm leh dawn alawm. Windows fresh installation ai chuan a awlsamin a rei lo thei daih zawk a sin. Chutiang bawkin i drive danga thil pawimawh dahthat nan pawhin a tangkai hle bawk.

>> Tihsual te a hlauhawm viau em???
Ans: Tihsual palh hi hlauhawm ele, i data zawng zawng paih fai vek thei tu a nia lawm, mahse hlauthawng suh, tihdan dik kan in hrilh dawn hi.

>> Engtin nge GHOST chu ka lo hman ve theih ang a khawi atang nge a software te chu ka neih theih ang le???
Ans: A hnuaia link ka pekah che hian ilo download dawn nia, Hiren Boot CD 10.2 a ni a hetah hian Norton Ghost 11 a awm a ni. Torrent download a nih vangin utorrent emaw i neih angai phawt a, I neih loh chuan lo download leh mai dawn nia utorrent.com atang hian. I download zawh hnuah Hiren’s.Boot.CD.10.2.iso tih file kha CD ah i write chhuak dawn nia. Imgburn emaw, power ISO hmang pawhin a write chhuah theih bawk.
HBCD 10.2: http://torcache.net/torrent/1BC2E806F04DDEB39FFA64A825C3A69D6B79B48C.torrent?title=%5Bkat.ph%5Dhirens.boot.cd.10.2

>> Engtin nge GHOST chu ka siam tak ang le???
Ans: Ghost siam tur chuan i computer kha restart la, BIOS atangin 1st Boot device ah khan CD-ROM tih emaw, i DVD Rom hming kha I dah dawn nia. CD chu vuah la BIOS atanga i save a i chhuah hnuah a in restart leh anga CD chu a hmu mai dawn a ni. A read anga option thlan tur a rawn awm anga, Start boot CD kha i select dawn nia, tichuan a hnuai ami ang zel hian i chhunzawm tawh mai dawn nia:
1. Backup tools
2. Norton Ghost 11.5
3. Ghost(Normal)
4. Click OK
5. Local-Partition-To image (hei hi fimkhur angai hle a,, local aiah hian disk I tih chuan a chi loh ang)
6. Window a rawn lang anga i partition select tur kha i thlang ang (Primary) a ni tlangpui ang
7. Save na tur alo lang anga C: Drive niloah save ang che tichun File hming i pe bawk dawn nia.
8. Save
9. Thil pathum thlan tur alo awm anga Fast tih kha I click anga Yes tih i click leh dawn nia tichuan a in siam char char ang.

*Note: A theihloh chhan awm thei te chu i save tumna drive kha alo full lutuk te hian a awm thei a i hard disk ah bad sector a awm pawhin error a pe thei bawk.

>> Engtin nge ka windows chu nakinah chuan ka lak chhuah leh theih ang le???
Ans: I windows loadna Drive C: kha format phawt rawh.
A hnuai a mi hi zawm leh thlap mai teh le.
1. Backup tools
2. Norton Ghost 11.5
3. Ghost(Normal)
4. Click OK
5. Local-Partition-From image
6. Image awmna tur browse na alo lang anga tichuan ahmaa kan siam kha i select ang.(.GHO a ni zel ang aw)
7. Tah khan i fimkhur a ngai dawn lutuk tlat, windows i dahluh na tur kha I select dawn nia (eg. C:)
8. OK i ti anga, Yes I click leh ang
Tichuan i windows chu a hma a i backup ni a ala that lai ang chiah khan alo awm leh dawn a ni.
Tikhan GHOST i thiam ta a drive dangte pawh a chung ami ang khian a theih vek ania.

Thank you and Good luck :)

Google Play Store tips

GOOGLE PLAY STORE TIPS:

Tips tha si mawlmang bawk si mahse Google Play Store hi tangkai leh i hriatna hlawk zawka ilo hman theih nan tiin kalo post ve a ni e. 2015 a ni tawh a 2014 chhung zawnga play store service in apps, games etc tha an tih an thlangkhawm a chung ho chu han sawi ta ila.

• 2014 Best Apps: 2014 chhunga play store huang chhunga android application tha an thlankhawm hote hi han en ve mah teh. Links: https://play.google.com/store/recommended?sp=CBwIEAgRCA4IBggBCAUwAFokCh5wcm9tb3Rpb25fMzAwMGYxM19iZXN0X29mXzIwMTQQBxgD:S:ANO1ljKbsaQ&c=apps
• 2014 Best Games: 2014 chhunga play store huang chhunga android games tha an thlankhawm hote hi han en ve mah teh. Link: https://play.google.com/store/recommended?sp=CBwIDggGCAEIBQgQCBEwAFokCh5wcm9tb3Rpb25fMzAwMGYxNV9iZXN0X29mXzIwMTQQBxgD:S:ANO1ljJ4UCU&c=apps
• 2014 Best Books: Hei hi chu inchhiar mi tan.2014 lehkhabu tha lawrkhawm a ni e. Link:
  https://play.google.com/store/recommended?sp=CAYIHAgBCAUIDggQCBEwAFokCh5wcm9tb3Rpb25fMTAwMTMyN19iZXN0X29mXzIwMTQQBxgB:S:ANO1ljL7eJA&c=books
• 2014 Best Movies: Hemi category kher hi chu mizo-te hian kan lawm vakin ka hre lo. Tarlang ve reng reng ange 2014 chhunga play store a movies awm tha thlan khawm. Link: https://play.google.com/store/recommended?sp=CAYIHAgBCAUIDggQCBEwAFokCh5wcm9tb3Rpb25fNDAwMGM5NV9iZXN0X29mXzIwMTQQBxgE:S:ANO1ljKPlDk&c=movies
• Editor's choice: Heng ho hi android application leh games chi hran hran developer hoin a a tha leh rintlak tia an thlanbikte ho a ni e. Link: https://play.google.com/store/apps/collection/editors_choice

KA LAWM E

Data Recovery

DATA RECOVER NAN ENGE I HMAN VE THIN?

I computer hard drive-ah i file pawimawh hla, thlalak, documents etc. i ui tak takte kha tihpalh thilthuin i delete palh emaw drive format ngei ngei a ngaih vanga i thil pawimawh i tihbo thin chuan GetData Recover My Files hi lo hmang ve rawh le. Kei hi computer dawra mechanic a thawk ka nih avang hian hetiang harsatna nei hi ka tawng hnem tawh a, an file pawimawh kalo hmuhlet sak nasa tawh a. Hmanraw (recovery software)chi hran hran ka hmang nasa bawk, tuna kan sawi lai mek Getdata hoina an siam Recover My Files
hian a hmu let kimin a hmu let dik thei em em a, thlalak pawh a hmu let tha ber.
Recovery tools chi hran hran entirnan EASEUS, Icare, Recuva, PC Instpector, PC smart, Stellar Phoenix, Raise Data Recovery leh Active File Recovery te ho hi ka hmangkual nasa thei khawp mai.

Name: GetData Recover My Files Pro v5.1.0.1824 Incl. Crack
Recover Capability: Files & Drives
Download link (Dropbox): https://www.dropbox.com/s/3m2u0xfm5mr7bwv/GetData%20Recover%20My%20Files%20Pro%20v5.1.0.1824%20Incl.%20Crack.zip?dl=0
Size: 44.4 MB

A chunga link ka rawn pek che khi i download anga chumi zawhah extract rawh le. 'RecoverMyFiles-Setup.exe' tih file kha i install ang, install zawhah run nghal loh tur. 'Crack' tih folder chhunga 'RecoverMyFiles.exe' tih kha copy la "C:\Program Files (x86)\GetData\Recover My Files v5" ah i va paste dawn nia. Replace alo dil a nih chuan replace ang che.

Tikhan i paste zawh chiah kha han run teh le. 'Recover Files' leh 'Recover Drive' alo awm ang. I thil tihbo dan a zirin i thlan tur a danglam (Recover Drives hian a hmu kim zawk).

• Recover Files: I files ho kha nangman i format emaw i delete palh emaw alo bo tawp palh a nih chuan hemi optionah hian i lut anga, Next tih i click ang. Drive chi hran hran alo lang anga, i file tihbo awmna drive i select anga 'Next' i click leh ang. Chumi hnuah option pahnihah i duh zawk zawk i select leh anga Next i click leh anga software khan recover tur a scan nghal char char ang.
• Recover Drives: Hemi hi chu partition/drive alo bo tawp emaw i delete palh emaw thil dang vanga alo awm tawh loh chuan i select ang. Next i click zawh hnuah i partition bo awmna hard drive tawp kha i va select leh anga Next i click leh ang. Option pahnih thlan tur alo awm anga a chung zawk kha chuan drive bo a hmuh kha a recover tawp anga, a hnuai zawk kha chuan drive bo a hmuhah khan i file recover duh ho kha i select thei ang.

Tichuan a scan zawh vek hnuah chuan i recover tur ho kha i zawng khawm diat diat anga, Iduh tawk i select hunah a chunga Save ah khan i click leh anga, i save na tur i select tawh mai dawn a ni. Pawimawh deuh chu i recover na drive ah a save theih loh aw.
* Hriat tur chu memory card, pendrive leh drive chhia format ngai si format phawt loha luh theih si loh ho hi chu i format hmain recover tum phawt thin ang che. A chhan chu format hnuah ai chuan a hmu kim zawk a. File i dahhnan vak tawh hnu phei chu recovery beisei na pek san vak loh a tha e.

Android Browser

ANDROID BROWSER THA KA TIH BER:

Tunlaia android browser tha ka tih ber chu CM Browser hi a ni.

CM Browser

     Android browser chi hran hran, lar tak tak a chhuak nasa ta hle mai a. Tunlaia a larzual bik ka hriat ho chu CM Browser, Google Chrome, Mozilla Firefox, Dolphin, UC Browser leh Opera te an ni a. Vawi tamtak ka hman kual hrep hnuah CM Browser (CM for Clean Master) hi a overall ah chuan tha ka tih ber a ni.
     Awle, CM Browser chu han bihchiang dawn ta ila.

Name: CM Browser
Developer: Chhetah Mobile Inc.
Size: 1.87 MB
Download Link(Play store) : https://play.google.com/store/apps/details?id=com.ksmobile.cb

     A chunga ka tarlan khi a nihna tlem a zawng chu a ni a. Tunah a tha ka tihna chhan point hrang hrang kan sawi ve ang e:

• CM Browser hi browser dang ang lo takin a size hi a te em em a, 1.87 MB chauh a nih avang hian storage memory a heh lo hle a, a zang a phone storage tlemah pawh a hmantlak khawp mai.
• RAM ah he application hi a in load sang lo em em a, chuvangin phone RAM hniam lam tan chuan hman ngei chi a ni.
• CM Browser hi mini browser ni siloah chuan a chak ber hial awm e. Ka internet connection hi BSNL broadband a ni a, Wifi hmangin ka connect mai zel. Browser hran hranin (Mini tel loin) page ngai theuhah (basic niloin) ka lut vek chhin a, chuta page load zo rang ber leh chak ber chu CM Browser hi a ni tlat.
• CM Browser hian features a chhawm hnem angreng khawp mai. Zanthima net kan khawih hian a eng var phut thin a hei hian mit a ti hah lo thei lo thin. CM Browser hian 'Night Mode' tih hi a keng tel a, hei hian browser var eng tak chu a dum lam rawng hian a rawn thlak a, text leh thildang tibuai si loin. Hei hian mit a ti hahdam em em a ni. Night Mode a i dah dawn chuan i phone ding lam kil atang khan a veilam zawngin kan slide phei keuh la,  Night Mode chu i hmu ang.
• CM Browser hian 'Fraud Prevention' feature hi a rawn keng tel a hei hi antivirus engine chikhat AV-TEST tihnena in zulzuia an duan a ni. Hei hian site hlauhawm keimahni tana pawi thei chi hrang hrang, inbumna site leh malicious site hrang hrang a kan luh palh chuan lut lo turin alert a rawn pe mai thin a. Hei hian himna tam tak a siam a ni.
• CM Browser ah hian 'Find in Page' tih hi a awm a, he feature hi a chunga night mode select dan kan sawi nen khan a luhna chu a in ang. Find in Page a i luh chuan browser a site i awmna ami text kha i duh duh i zawng thei. Hei hi a tangkai thei khawp mai, entirnan site pakhat thu tam tak in ziahnaah thu mal pakhat te mai zawn i duh ta a, find in page atang hian i thumal zawn tur chu i type anga awlsam takin i hmu thei mai dawn a ni.
• Security fearture a nei tha angreng khawp mai. CM Browser hmanga APK file kan download reng reng hian browser hian amahin APK files chu malware a awm leh awm loh alo check a alo scan thin a ni.
• Privacy lamah chuan 'Do not track' feature hi a rawn keng tel a, hei hi hackers naran hoin a kan site luhna leh kan thil khawih thin hote an chhui theihlohna atana duan a ni.

• CM Browser hian ActiveX plugin keinin flash player kan tih mai site a video kan en theihna plugin pawh a chhawm tha hle a ni.

A tawpnan CM Browser hi a size a tet avanga tha lo turah ngai ngawt suh. Hmang ve hrep chhin la i hre mai ang. :)